২০২১ সকলোৰে বাবে শুভ হওঁক

২০২০ চন, এটা যথেষ্ট কঠিন বছৰ।
আৰম্ভণীতে ভালেই আছিল যদিওঁ কোৰোণা আহি সকলো ঠানবান কৰিলে। গোটেই দেশ মাহ যোৰা লক্ ডাউন্ হৈ বন্ধ হ'ল, কিমান যে ব্যৱসায় লোকচান হৈ বন্ধ হ'ল লেখ জোখ নাই। মোৰ ঘৰৰ ওচৰত থকা বহু কেইখন দোকান বন্ধ হ'ল।

ঘৰৰ ভাড়াৰ ওপৰতো ইয়াৰ প্ৰভাব পৰিছে। কোৰোণাৰ লক্ ডাউন্ হৈ work from home হোৱাত বহুত মানুহ কাম কৰা ঠাই এৰি নিজৰ ঠাইলৈ গুচি যাই আৰু বেছিভাগ ভাড়া ঘৰেই খালি হৈ পৰে।
মোৰো ভাড়াত দিয়া ঘৰৰ ভাড়া এতিয়া আগৰ আধাহে; উপায় নাই, খালি হৈ থকাতকৈ আধা ভাড়াও ভাল।

বহুত ভাড়া ঘৰ এতিয়া খালি, ভাড়াতীয়াক আকৰ্শন কৰাৰ চেষ্টা

মানুহৰ চাকৰিৰ ওপৰতো যথেষ্ট প্ৰভাব পৰিল, বহুতে চাকৰি হেৰুৱালে, আন বহুতৰ দৰ্মহা কৰ্তন হ'ল। এটা ৰিপোৰ্ট অনুসৰি প্ৰায় ২ কৌটি মানুহে চাকৰি হেৰুৱালে, ইয়াৰ ভিতৰত ময়ো এজন, আকৌ চাকৰি বিচাৰি আছো।

যি নহওক, আশা কৰিছো নতুন বছৰটোত সকলো বোৰ ভাল হ'ব, ব্যৱসায় আকৌ ভাল হ'ব, সকলোৰে চাকৰিবোৰ আকৌ হ'ব, মানুহে আগৰদৰেই ভয়হীন হৈ ওলাই সোমাই ফুৰিব পাৰিব।
সকলোকে আগন্তুক নতুন বছৰৰ শুভেচ্ছা জনালো।

জীৱন বীমা

মোৰ প্ৰথমটো life insurance policy আছিল money back policy. ২০ বছৰলৈ premium দিব লাগে, প্ৰতি ৫ বছৰৰ মূৰে মূৰে ২০% ওভতাই পায়, ২০ বছৰৰ মূৰত বাকি পইছা bonus অৰ সৈতে পায়। Life cover আছিল ১ লাখ।
এতিয়া finance ৰ বিষয়ে অলপ জ্ঞান আহৰণ কৰাৰ পিচত, মই life insurance ৰ ওপৰত অলপ লিখিব ওলাইছো।

আমাক life insurance কিয় লাগে?
আমাৰ পৰিয়ালবিলাকৰ আটাইতকৈ ডাঙৰ risk হ'ল উপাৰ্জন কৰা সদস্যজনক লৈ। যদি সদস্যজন আমাৰ মাজৰ পৰা নাইকিয়া হয়, তেতিয়া পৰিয়ালটোৰ আনবোৰ মানুহ কেনেকে চলিব? পৰিয়ালটোৰ আৰ্থিক খৰচ কোনে বহন কৰিব ?
Life insurance এইকাৰণেই লাগে যাতে উপাৰ্জন কৰা সহস্য জনৰ আকস্মিক মৃত্যু হ'লে পৰিয়ালৰ আনবিলাক মানুহ আৰ্থিক দিশত একো অসুবিধাৰ সন্মুখিন হ' ব লগা নহয়।

Life insurance কেনেকে কৰা হয় ?
এজন মানুহক কিমান সময়ৰ বাবে life insurance লাগে (tenure) আৰু কিমান life cover লাগে (Life cover হ'ল মানুহ এজনৰ মৃত্যু হ'লে পাব লগা টকা, ইয়াক sum assured বুলিও কোৱা হয়) , মানুহজনৰ বৰ্তমান বয়স কিমান, তাৰ ওপৰত ভিত্তি কৰি এটা premium নিৰ্ধাৰণ কৰা হয়। প্ৰতি বছৰে মানুহজনে এই premium ৰ টকা life insurance কোম্পানীটোক দিব লাগে। এই নিৰ্ধাৰিত সময়ৰ (tenure) ভিতৰত যদিহে মানুহজনৰ মৃত্যু হয়, তেতিয়া life cover অৰ টকাখিনি মানুহজনৰ পৰিয়ালে পায়। এই সময়ৰ ভিতৰত যদি মানুহজন ঠিকে থাকে তেতিয়া tenure অৰ শেষত life insurance policy অন্ত পৰে, মানুহজনে একো টকা ওভতাই নাপায়। ইয়াক plain term insurance বুলি কোৱা হয়। ইয়াৰ premium আটাইতকৈ কম।
ইয়াৰ ওপৰিও আন বিভিন্ন প্ৰকাৰৰ life insurance policy থাকে। যেনে কিছুমানে আন সুবিধা দিব পাৰে যেনে
- accidental death benefit: মানুহজনৰ accident হৈ মৃত্যু হ'লে কিছু টকা বেছিকে পায়।
- critical illness cover: মানুহজন যদি কোম্পেনীটোৱে নিৰ্ধাৰণ কৰা বেমাৰত (যেনে কেন্ছাৰ) ভোগে তেতিয়া বেমাৰৰ treatment অৰ বাবে টকা পায়।
- Full life cover: মানুহজনৰ ৯৯ বছৰলৈ life cover থাকে।
- Life insurance with money back: life insurance অৰ লগতে tenure অৰ শেষত কিছু টকা ওভতায় পায়।
আমি এই অতিৰিক্ত সুবিধাবোৰ ল'লে সেই অনুপাতে premium অৰ টকা বাঢ়ি গৈ থাকে।

কিমান life cover থাকিব লাগে ? Life cover হ'ল মানুহ এজনৰ মৃত্যু হ'লে পাব লগা টকা।
ইয়াৰ বাবে ভিন্ন জনৰ ভিন্ন মত। কিছুমানৰ মতে উপাৰ্জন কৰা মানুহজনৰ বাৰ্ষিক আয়ৰ ২০ ৰ পৰা ৩০ গুন life cover থাকিব লাগে। মানুহজনৰ financial responsibility, ভবিষ্যতত আহিব পৰা ডাঙৰ খৰচ, Loan আদি ও ধৰিব লাগে। মুঠতে ইমান থাকিব লাগে যাতে পৰিয়ালটো ভালদৰে চলিব পাৰে।
গতিকে যদি মোৰ মাত্ৰ ১ লাখ টকাৰ life cover আছে, তেতিয়া সেইটো যথেষ্ট নহয়।
আজিকালি মানুহক বেচি life cover লাগে কিয়নো মানুহৰ খৰচ বেছি, ১ কৌটি টকাৰ life cover আজিকালি বহুতৰে থাকে।

Life insurance কেতিয়া ল'ব লাগে ?
যদি এজন মানুহৰ কোনো dependent নাথাকে তেতিয়া life insurance আৱশ্যক নহয়। কিন্তু যদিহে ভৱিষ্যতত পৰিয়াল বা কোনো dependent হোৱা আশা আছে, তেতিয়া হলে অতি সোনকালে life insurance কৰিব লাগে কিয়নো premium (প্ৰতি বছৰে দিব লগা টকা) বয়স অনুপাতে বেছি হয়।

Life insurance কেনেকে ল'ব লাগে ?
১) প্ৰথমতে আমাৰ প্ৰয়োজন অনুসৰি life cover আৰু tenure থিৰাং কৰিব লাগে।
২) তাৰ পিচত আমি কি ধৰণৰ policy লম সেইটো থিক কৰিব লাগে। Term plan লোৱাতো আটাইতকৈ ভাল, ইয়াত অতি কম premium দি বহুত বেছি life cover পাব পাৰি; যেনে বছৰত ৬০০০ টকা premium দি ১ কৌটি টকাৰ life cover পাব পাৰি।
৩) তাৰ পিচত কি কোম্পানীৰ পৰা Life insurance কিনিম ঠিক কৰিব লাগে। এইটো অলপ টান কাম হ'ব পাৰে। LIC, HDFC, ICICI, SBI, Kotak আদি বিভিন্ন কোম্পানীৰ Life insurance থাকে। কোম্পানী বিলাকৰ claim settlement ratio, claim rejection ratio চাই insurance কিনিব লাগে (IRDA ৰ site www.irdai.gov.in অত সকলো তথ্য পোৱা যায়)।
আজিকালি insurance online অত কিনিব পাৰি, online অত কিনিলে কম পৰে কাৰণ কোনো agent নাথাকে।বহুত কোম্পানীয়ে healthy life style (যেনে non smoker) অৰ মানুহৰ বাবে discount দিয়ে। ইয়াত ভূল তথ্য দিব নালাগে, কিয়নো কোম্পানীয়ে পিছত জানিব পাৰিলে policy নাকচ কৰিব পাৰে।

উপযুক্ত পৰিমানৰ life insurance থকাটো অতি প্ৰয়োজনীয়, ইয়ে যথেষ্ট মনৰ শান্তি দিব পাৰে।

খ্রীষ্টমাছ

সৰুতে পানবজাৰৰ গির্জা ঘৰৰ সমুখেৰে অহা যোৱা কৰোতে সদায় ভিতৰলৈ এবাৰ ভুমুকিয়াই চাইছিলো, ভিতৰৰ মানুহখিনি যেন আমাৰ নিচিনা নাছিল তেনে লাগিছিল। বিশেষকে খ্রীষ্টমাছৰ সময়ত মনত কৌতুহল হৈছিল, ভিতৰত কি হয়, তাৰ মানুহে কেনেকে প্রার্থনা কৰে তাক চাবলৈ এটা যেন হেপাহ, কিন্তু কেতিয়াও ভিতৰলৈ যোৱা হোৱা নাছিল।

পানবজাৰৰ Baptish Church (Photo from Wikimapia)

খ্রীষ্টমাছৰ বিষয়ে অলপ ভালদৰে জানিব পাৰিলো software অত কাম কৰিব আৰম্ভ কৰাৰ পৰা। মই কাম কৰা কোম্পানীটোত খ্রীষ্টমাছ ভালদৰে পালন কৰিছিল। খ্রীষ্টমাছৰ সময়ত অফিছতো ধুনীয়াকে সজোৱা হয়।

অফিছৰ decoration

খ্রীষ্টমাছৰ বাবে project ৰ team বিলাকৰ মাজত decoration প্রতিযোগিতা হয় আৰু পুৰস্কাৰ ও দিয়ে। আমি এসপ্তাহ আগৰ পৰা এটা বিষয়বস্তু (theme) লৈ decoration আৰম্ভ কৰো, কাৰণ decoration কামৰ মাজে মাজেহে কৰিব পাৰো। কেতিয়াবা সন্ধিয়া কাম শেষ হোৱাৰ পিচত decoration কৰো। খ্রীষ্টমাছৰ আগদিনা ৰাতি বহু সময়লৈ কৰা হয়, সিদিনা finishing touch দিয়া হয়।

আমাৰ project team টোৰ এবাৰৰ decoration, বৰফৰ ঘৰৰ (tent) ভিতৰত আৰু decoration আছে।

খ্রীষ্টমাছৰ দিনা বিশেষ official কাম কৰা নহয়, যদিহে একো urgent কাম নাথাকে। সিদিনা অফিচৰ মানুহবিলাকে নিজৰ ল'ৰা ছোৱালী লগত লৈ আহিব পাৰে। দিনটোত কিবা কিবি program হৈ থাকে। সন্ধিয়া প্রতিটো দলে নিজৰ নিজৰ বিষয়বস্তু বিচাৰক সমিতিক ব্যাখ্যা কৰিব লাগে, বিচাৰকে decoration চাই সেই হিচাবত ৩টা দল বিজয়ী ঘোষণা কৰে। নিজৰ নিজৰ desk decoration কৰাৰ কাৰণেওঁ পুৰস্কাৰ দিয়া হয়।

অফিছৰ এজনৰ desk decoration

খ্রীষ্টমাছত অফিছত খেলা খেলবিলাকৰ ভিতৰত অতি জনপ্রিয় খেলটো হ'ল secret santa. ইয়াত প্রতিজন সদস্যৰ নাম একো একোখন সৰু কাগজত লিখা হয়, পিচত প্রত্যেকে একোখনকৈ কাগজ বাচি লয় আৰু যি জন মানুহৰ নাম ওলায় (মানুহজনৰ নামটো কাকো ক'ব নালাগে) তেওক মনে মনে উপহাৰ বা card আদি বস্তু দিব পাৰে। আন মানুহ জনে সেই মানুহজনৰ নাম অনুমান কৰিব লাগে। খ্রীষ্টমাছৰ দিনা প্রতিজনে আন মানুহজনৰ নাম ক'ব লাগে আৰু উপহাৰ আদান প্রদান কৰে।

আমাৰ অফিচৰ decoration ৰ ফটো দেখি আমাৰ লগত কাম কৰা ইংলন্ডৰ মানুহবিলাকে মন্তব্য কৰিছিল যে খ্রীষ্টমাছটো এটা ভাৰতীয় উৎসৱ যেনহে লাগিছে, আনকি সিহঁতৰ অফিচতো খ্রীষ্টমাছ ইমান ধুমধামেৰে পালন নকৰে।

Santa হোৱা Akshunn ৰ লগত

বাংগালোৰত অহাৰ পৰা মই প্রতি খ্রীষ্টমাছত প্রায়ে গির্জালৈ যাওঁ । ইয়াত যথেষ্ট সংখ্যক গির্জাঘৰ আছে, খ্রীষ্টমাছত ধূনীয়াকৈ সজাই পৰাই তোলে। কিছুমান গির্জাঘৰত, আমাৰ ৰাসৰ নিচিনাকে, ধুনীয়াকৈ যীশু আৰু সিহতৰ সম্বন্ধীয় বিভিন্ন ধৰণৰ মূর্তিৰে সজাই প্রদর্শনী পাতে, চাই ভাল লাগে। মই ভালপোৱা ইয়াৰ গির্জাঘৰ হ'ল ৱিৱেক নগৰ, শীৱাজী নগৰ আৰু Whitefield অৰ। ভাৰতৰ আন ঠাইৰ ভিতৰত Ooty আৰু চেন্নাইত খ্রীষ্টমাছ ভাল লাগিছিল।

From Deccan Herald

ইংলন্ডত খ্রীষ্টমাছত ধুনীয়া decoration কৰে। তাত খ্রীষ্টমাছত মানুহে বিভিন্ন ধৰণৰ কাম কৰে, যেনে Santa Grottos, Winter Wonderland, Ice Skating, Beautiful Christmas Markets আদি।

খ্রীষ্টমাছৰ সময়ৰ এটা ব্যস্ত ৰাজপথ।

তাৰ গির্জাঘৰ কিছুমান বিৰাট ডাঙৰ, ওখ আৰু ধুনীয়া। গির্জাৰ দুৱাৰ খিৰিকি বিলাকত ধুনীয়া ৰং বিৰংঅৰ কাঁচ লগোৱা থাকে।

মই ভাল পোৱা তাৰ গির্জা কেইটা হ'ল Arundel আৰু Lancing College অৰ।

Lancing College chapel

কোনটো কাৰ ধর্ম এইবোৰ বিচাৰ খোচাৰ নকৰি যদি আমি সকলো ধর্মৰে উৎসৱ পালন কৰিব পাৰো, তেতিয়া আমাৰ জীৱনটো সুন্দৰ হ'ব পাৰে।

---

মই হিন্দু তীর্থস্থান ভ্রমণৰ মোৰ অভিজ্ঞতাৰ ওপৰতো আগলৈ লিখিম।

ইংলেন্ডৰ গাওঁৰ ওচৰৰ ঠাইবোৰঃ A Tour of an English Village's Surrounding Gems

মূল লেখাটো ইয়াত পঢ়ক

মই নতুন ঠাইলৈ গৈ আৰু নতুন বস্তু চাই ভাল পাওঁ, বহুত নজনা বস্তু জানিব আৰু শিকিব পাৰি।
মই Worthing লৈ বহু বাৰ আহিছো আৰু প্ৰায় প্ৰতিবাৰে যিমান পাৰি সিমান ওচৰ পাজৰৰ ঠাইবিলাক চাইছো।
মই প্ৰতিদিনে অফিছ শেষ হোৱাৰ পিচত ফুৰিবলৈ ওলাই যাও, ৩ - ৪ ঘন্টামান ফুৰি হোটেললৈ ওভতো। শনি আৰু ৰবিবাৰে ৰাতিপুৱাই breakfast কৰি ৮ টা মানতে ওলাই যাওঁ, আগতে plan কৰি থোৱা ঠাইলৈ।

ইয়াত মই চাবলৈ যোৱা কিছুমান ঠাইৰ ওপৰত অলপ লিখিছো আৰু এখন দুখন ফটোও দিছো, আটাইবোৰ ফটো দিয়া সম্ভৱ নহয়।

• Arundel
• Brighton
• Lancing
• Lancing College Chapel
• London
• Highdown Gardens
• ইংলেন্ডৰ মিউ্জিয়াম
• Seven Sisters, ইংলেন্ড
• Portsmouth
• Cissbury Ring, ইংলেন্ড
• Little Hampton
• Cambridge

ভ্ৰমণ: Cissbury Ring - England's Enigmatic Hillfort

মূল লেখাটো ইয়াত পঢ়ক

দক্ষিণ ইংলেন্ডৰ এই ঠাইখিনি এখন পাহাৰৰ ওপৰত অৱস্থিত, ই iron age অত flint mine আছিল, এতিয়া এটা circular ring হিচাবে দেখা যায়।
ইয়াৰ ইতিহাস চহকী, বিভিন্ন সংস্কৃতিয়ে ইয়াক বসতি, কবৰস্থান, প্ৰতিৰক্ষামূলক গঠন (defensive structure) হিচাপে ব্যৱহাৰ কৰিছিল।

মই এদিন বাছেৰে ইয়াৰ ওচৰৰ স্টপেজত নামি পাহাৰৰ ওপৰলৈ খোজ কাঢ়িলো। যথেষ্ট খোজ কাঢ়িব লাগে, কিন্তু পাহাৰখন সেউজীয়া গছ বনেৰে ভৰা, মাজে মাজে ৰৈ জিৰাই শতাই পাহাৰৰ ওপৰ পালোগৈ।

পাহাৰৰ ওপৰলৈ খোজ দিলো।

পাহাৰৰ ওপৰৰ পৰা বহু দূৰলৈ দেখা পোৱা যায়, আনকি Portsmouth ৰ tower পৰ্য্যন্ত (প্ৰায় ১৩০ কিমি দূৰত)।

পাহাৰৰ ওপৰ পাই অলপ জিৰালো

পাহাৰৰ ওপৰত ধুনীয়া বতাহ বৈ আছে, মই এজোপা গছৰ চাঁত বহি বেগৰ পৰা Coke আৰু কিবা কিবি উলিয়াই আৰামেৰে খালো। ওচৰৰে আন এখন পাহাৰত পোহনীয়া গৰু চৰি আছে, দৃশ্যটো ভাল লাগিল।

এই অঞ্চলটো বহুকেইখন পাহাৰেৰে ভৰা

অলপ জিৰোৱাৰ পিচত circular ring ৰ ওপৰেৰে খোজ কাঢ়ি সম্পূৰ্ণ এপাক মাৰিলো। চাৰিওফালে ঘূৰি পকি প্ৰাকৃতিক দৃশ্য উপভোগ কৰিলো।

পাহাৰৰ তলত থকা Findon নামৰ গাওঁ খনৰ ঘৰ বিলাক

High Salvington windmill
Cissbury Ring অৰ ওচৰতে থকা Findon নামৰ গাওঁ খনৰ এইটো হ'ল ১৭শ শতিকাত নিৰ্মিত এটা বতাহত চলা ধান বনা কল, যিটো এতিয়াও কৰ্মৰত। এইটো volunteer অৰ দ্বাৰা পৰিচালিত আৰু যথেষ্ট ডাঙৰ, মূলতঃ শস্য পিহি আটা কৰিবলৈ ব্যৱহাৰ কৰা হৈছিল।

The view of High Salvington windmill, from Cissbury Ring.

ভ্ৰমণ: Portsmouth, ইংলেন্ড - A Coastal Haven for Nature Lovers

মূল লেখাটো ইয়াত পঢ়ক

দক্ষিণ ইংলেন্ডৰ এই ঠাইখন এখন সাগৰীয় বন্দৰ, ইয়াত সিহতৰ Navy ৰ ডাঙৰ সংগ্ৰহালয় আছে। ইয়াত ডাঙৰ ডাঙৰ জাহাজ দেখা পোৱা যায়।

Spinnaker tower হ'ল এটা যথেষ্ট ওখ observation tower.

Spinnaker tower

Gunwharf Quays হ'ল এটা shopping area য'ত পৃথিৱীৰ বিখ্যাত মোতামোটি আটাইবোৰ brand অৰ বস্তু পায়।

Gunwharf Quays

Charles Dickens' Birthplace. আমি সৰুতে পঢ়া Oliver Twist অৰ লিখক জনৰ জন্মস্থান, এতিয়া এটা সংগ্ৰহালয়লৈ পৰিবৰ্তন কৰা হৈছে।

Charles Dickens জন্ম হোৱা ঘৰটো

Southsea সাগৰৰ পাৰৰ এখন ঠাই, ইয়াত এটা ১৬ শ শতিকাৰ castle, সংগ্ৰহালয় আৰু আন কিবা কিবি আছে।
এখন পথাৰত ডাঙৰ ডাঙৰ বিভিন্ন আকাৰৰ আৰু বিভিন্ন ধৰণৰ গেছ ভৰোৱা বেলুনৰ প্ৰদৰ্শনী হৈ আছে, ৰৈ অলপ চালো। ইজন সিজনক সোধাৰ পিচত বুজিলো যে ইয়াত International Kite Festival হৈ আছে, মই ঘূৰি পকি চালো।

ভ্ৰমণ: Seven Sisters, ইংলেন্ড - Nature's Masterpiece

মূল লেখাটো ইয়াত পঢ়ক

দক্ষিণ ইংলেন্ডৰ Brighton অৰ ওচৰৰ এখন ঠাই, চক-মাটিৰে নিৰ্মিত পাহাৰৰ বাবে বিখ্যাত। ইয়াত ৭ খন চক-মাটিৰ পাহাৰ আছে।
মই ঠাইখন explore কৰিবলৈ এদিন বাছেৰে গৈ ইয়াত ওলালো। পাহাৰ চাবলৈ বাছ স্টপেজৰ পৰা প্ৰায় ২.৫ কিমি বাট খোজ কাঢ়িব লাগে। সেইদিনা বৰষুণ দি আছিল, পাহাৰ গছ বনৰ মাজে মাজে খোজকাঢ়ি খোজকাঢ়ি মই ঠাইখন ওলালো, বৰষুণত তিতি মোৰ কি অৱস্থা হ'ল মই বিশদভাবে আন এটা post অত লিখিছো (ইয়াত পঢ়ক)।

খোজকাঢ়ি গৈ আছো

ঠাইখন বৰ ধুনীয়া আৰু শান্ত, সাগৰৰ নিচেই কাষতে। মই চক মাটিৰ পাহাৰৰ ওচৰলৈ গৈ তাক অন্বেষণ কৰিবলৈ আৰম্ভ কৰিছো। পাহাৰ বগা ৰঙৰ আৰু দেখাত অতি ধুনীয়া।

চক-মাটিৰ এখন পাহাৰ

ইয়াৰ মাজেৰে Chukmere নদী বৈ গৈ সাগৰত মিলিছে (তাক ইয়াত Chukmere heaven বুলি কয়), ইয়াৰ প্ৰাকৃতিক দৃশ্য বৰ মনোৰম।

Chukmere heaven

ইতিমধ্যে বৰষুণ বন্ধ হৈ গৈছে আৰু ৰ’দ ওলাইছে। এটা সুখকৰ দিন আৰম্ভ হৈছে।
মই পাহাৰ, সাগৰৰ ওচৰে পাজৰে ইচ্ছামতে ফুৰিলো। মন শান্ত, পৰিতৃপ্ত হʼল।
পিচত নদীৰ পাৰে পাৰে খোজকাঢ়ি খোজকাঢ়ি গৈ বাছ স্টপেজ পালো আৰু হোটেললৈ ওভতি আহিলো।

নদীৰ পাৰে পাৰে

লন্ডনে হাত বাউল দি মাতিছে

মূল লেখাটো ইয়াত পঢ়ক

লন্ডন Worthing ৰ পৰা প্ৰায় ১০০ কিমি দূৰত, ট্ৰেইনেৰে গ'লে প্ৰায় ১.৫ ঘন্টামান লাগে।
ইয়ালৈ বহুবাৰ আহিছো। প্ৰথমবাৰ আহোতে Red bus service লৈ সম্পূৰ্ন লন্ডন চহৰ চাইছো।

Red Bus service অৰ দুমহলীয়া খোলা গাড়ী, guide জনে ঠাইবিলাকৰ বিশদ বিৱৰণ দিয়ে

Red bus বোৰ গোটেই চহৰখনতে ঘূৰি ফুৰে আৰু আটাইবোৰ tourist spot অতে ৰৈ ৰৈ যায়। বাচত guide জনে কি ঠাই আহিছে আৰু তাত কি দেখা পোৱা যাব স্পিকাৰত কৈ থাকে, মানুহে সেই হিচাবে নিজৰ ইচ্ছামতে ভাল পোৱা ঠাইত নামি গৈ চাই। চোৱাৰ শেষত বাছ স্টপেজলৈ আহিলে ৫ মিনিটৰ ভিতৰত আন এখন red bus আহি পাইহি।

Big Ben আৰু Clock Tower (Elizabeth Tower), Big Ben হʼল প্ৰ্তিটো ঘন্টাতে শব্দ কৰা 13-ton bell টোৰ নাম।

Big Ben আৰু Palace of Westminster (Houses of Parliament) অৰ সমুখত।

Buckingham Palace, ইংলেন্ডৰ Queen আৰু Duke of Edinburgh অৰ থকা ঘৰ।

ইয়াত Changing of the Guard চাব ভাল লাগে, যʼত Security Guard সাল সলনি কৰা হয়।

Tower Bridge (London Bridge), Thames নদীৰ ওপৰত বন্ধা এই দলং খন বৰ মনোমোহা।

Tower Bridge

ইয়াৰ ওচৰে পাজৰে বহুত restaurant, চাব আৰু ফুৰিব পৰা বহুত আছে। ইয়াৰ পৰা Thames নদীৰ পাৰে পাৰে (The Queen's Walk বুলি কয়) খোজ কাঢ়ি গৈ থাকিলে বৰ ভাল লাগে, ইয়াৰ popular tourist আৰু visitor attraction বিলাক দেখা পোৱা যায়।

The Queen's Walk / way

Tower Bridge অৰ ১১০ ফুট ওপৰেৰে এটা glass floor থকা মানুহ খোজ কাঢ়িব পৰা ৰাস্তা আছে, ইয়াত যাব বৰ ভয় লাগে, কেনেবাকে ভাগি পৰিব পাৰে বুলি।

The glass floor

নিশাৰ London Bridge অতি আকৰ্ষণীয়

এজন চিত্ৰকাৰৰ দৃষ্টিৰে Tower Bridge

Trafalgar Square হʼল community gatherings আৰু political demonstrations আদিত ব্যবহাৰ কৰা এটা ঠাই ।
ইয়াৰ ওচৰে পাজৰে  National Gallery (এইটো এটা art museum), St Martin-in-the-Fields Church, South Africa House আৰু Canada House আছে।

Trafalgar Square, National Gallery ৰ পৰা লোৱা ফটো।

তাত এখন নতুন ধৰণৰ বাহন দেখিলো, ইয়াক pedibus বুলি কয়।
ইয়াত ১২ জন মানুহ বহিবৰ ঠাই আছে, ভৰিৰ ওচৰত চাইকেলৰ নিচিনা পেদেল্ আছে। মানুহৰ মাজত এখন সৰু টেবুল ও আছে, আগত এজন চালক থাকে, তেওৰ হাতত বাহনৰ steering আৰু brake থাকে। মানুহে beer আদি খাই কথা পাতি গৈ থাকে, কথাৰ মাজে মাজে পেদেল্ মাৰে।

Pedibus অত মানুহে সৰু সুৰা get together, party আদি পাতি সন্ধিয়া enjoy কৰে।

The Charm of Brighton: Exploring the UK's Seaside Gem

মূল লেখাটো ইয়াত পঢ়ক

দক্ষিণ ইংলেন্ডৰ Worthing অৰ আটাইতকৈ ওচৰত থকা এখন ডাঙৰ চহৰ, প্ৰায় ২২ কি.মি. নিলগত। মই ইয়ালৈ প্ৰায়ে বিভিন্ন কাৰণত অহা যোৱা কৰিছিলো।

Royal pavillion, এইটো দেখিলে আমাৰ ভাৰতৰ কোনোবা এটা structure ৰ আৰ্হিত বনোৱা যেন লাগে, এইটো ইয়াৰ ৰজাৰ holiday home আছিল।

Royal pavillion অত এখন ধূনীয়া বাগিছা ও আছে ।

Brighton pier, এইটো এটা সাগৰৰ মাজলৈ সোমাই যোৱা প্ৰায় ২ কিমি মান দীঘল কাঠেৰে বনোৱা structure. ইয়াত বহুত ধৰণৰ আমোদজনক কাৰ্য্য কৰিব পাৰি, ভাল ভাল খোৱা দোকানো আছে।

Brighton pier, মই ইয়াৰ দোকানত ধূনীয়া fried rice খালো ।

Brighton Pier ত Casino ও আছে, মই ও অলপ খেলিলো ।

Brighton eye, London eye ৰ আৰ্হিত গড়ি তোলা structure. ইয়াত বহিলে wheel টো লাহে লাহে তলৰ পৰা ওপৰলে ঘূৰে আৰু গোটেই চহৰখন দেখা পোৱা যায় । ২০১৬ চনত এইটো বন্ধ কৰি তাৰ ঠাইত i360 Viewing Tower বনোৱা হৈছে ।

Brighton Pier ৰ পৰা Brighton eye ৰ দৃশ্য

Sea life center, এইটো পৃথিৱীৰ আটাইতকৈ পুৰনি aquarium.
The lanes, ঠাইখনত কিছুমান সৰু সৰু ৰাস্তা আছে য'ত বহুত পুৰনি বস্তু, কিতাপ, arts আদি কিনিব পাৰি। ইয়াৰ ঘৰবোৰ বহুত পুৰনি, প্ৰায় ১৬শ শতিকাৰ ঘৰ।

The lanes

তাৰ সাগৰৰ পাৰত ফুৰিবলৈ ভাল ৰাস্তা আছে, মানুহে বহুত দুৰ দুৰলৈ খোজ কাঢ়ি যায় ।

মইও কিছু দুৰলৈ খোজ কাঢ়িলো, ইফাল সিফালৰ মানুহ, বস্তু আদি চালো।

সাগৰৰ পাৰত bronze ৰে বনোৱা ২.২ tonne ৰ এটা ডাঙৰ doughnut দেখিলো (officially titled "Afloat").

সাগৰৰ পাৰতে এটা Fishing Museum দেখি সোমাই গৈ চালো, সৰু যদিও ভাল লাগিল ।

Beach ত মেলাৰ নিচিনা লাগিছে, গৰমৰ দিন আৰু weekend হোৱা বাবে সকলোৱে কাপোৰ কানি খুলি গাত ৰʼদ লগোৱাব আহিছে, ঠান্ডাৰ দিনবোৰত তাত সূৰ্য্য প্ৰায় নোলায়। সিহতৰ মাজত মই এখন ফটো উঠোৱাৰ অভিপ্ৰায়েৰে গলো যদিও সিহতৰ পৰিধানৰ লগত মোৰ full pant-full shirt এ match নকৰিলে, বেয়া লাগি মই ওভতি আহিলো।